環境舒適
“柏慧豪園英文有名你叫：Central Park Towers。 唔講大家未必知，天水圍有一個 “中央公園”，正係天水圍公園，係全港第二大公園，僅僅細過銅鑼灣的維多利亞公園。公園環境非常清幽，而且很多康樂設施，例如用來放遙控船的人工湖，用來放遙控車的賽道等。
柏慧豪園係正天水圍公園隔離。
環境非常清幽, 位處濕地公園隔離，眺望一大片魚塘，農田，米埔，深圳灣海景，大埔山景，景色全港一絕。
空氣非常好，落樓係會所花園。附近唔會太多車。
半豪宅格局，有BBQ，有泳池，招呼朋友都極好。
附近5分鐘到大型公園，有籃球場排球場等。而且沿路係單車徑，喜愛坐運動的朋友，呢個區一流。” – Anonymous – 9.8.2016
社區配套
” 慧景軒鄰近新開的億京酒店商場，雖然很多店鋪未租出，但已有幾間食店進駐。
但億京以外，需要行10分鐘到附近公屋商場或20分鐘到銀座先有商場，沿途無街鋪，因為係新市鎮規劃。坐輕鐵就大概5分鐘到銀座。
街市要去到公屋商場，但總算可以解決生活所需。 – Anonymous – 9.8.2016
交通便利
“天水圍無大家想像中那麼遙遠，但也是不簡單的路程，尤其每日出剛到返工的人。
去中環可以搭967, 969 (行遠少少) 巴士去中環，行西隧，但沿途塞車位有幾個，唔塞車就上車後40分鐘到，塞車的話(50%機會) 要大概50 – 75 分鐘到達。 行到巴士站輕微出汗，967比較疏大概15分鐘一班， 但起碼有位坐。長途車，個個都訓覺。
坐西鐵，就輕鐵開始，然後西鐵，然後尖東站行到荃灣線落，穩定50分鐘左右，但天水圍站已經無位坐，全程罰企。” – Anonymous – 9.8.2016
其他
” 景靚，地方闊落，大自然，多人養狗，簡直回到陶淵明的田園生活，退休一流。
但住天水圍，尤其慧景軒，交通稍遠，還在中環搏殺的上班一族會比較辛苦。” – Anonymous – 9.8.2016
發展商
香港新界西元朗天水圍新市鎮第24B區
發展商為長江實業地產