SJ House 實景拍攝海怡半島周邊環境 ↓↓↓ 關注埋 SJ House Youtube Channel
環境舒適
“有海濱長廊，兩個gym room，期期都有公園，海邊空氣唔會差，淨係居民多，少遊客(之後唔知起酒店)。會所有兩個，室內外泳池應有盡有算係咁。海怡三邊海景，望海景幾舒服，望內園就樓景為主。”- Anonymous – 13.9.2017
“位處港島最南端，對住一片大海同埋南丫島。所謂半島就係呢個意思：成個海怡半島係個海邊凸出來，所以可謂270度海景。普遍有西斜問題，但upside係海怡半島睇日落簡直全港一絕。
舊左少少，同是誠哥出品，同黃埔花園差唔多一樣樣，無露台，三尖八角。
會所夠大，有室內戶外游泳池，大gym，仲有間酒樓(不過偏貴)。係全香港最早期的住宅會所之一。 ” – Anonymous – 9.8.2016
社區配套
“商場有兩個，大個個吉舗多，有個大百佳，食野就一定連鎖，咩大家樂，美心，M記等。冇咩要求㗎啦。細個個就小品街坊舖多，有間萬寧，濕街市細細地叫做有個，可以行落去大街街市買。”- Anonymous – 13.9.2017
” 有個商場，基本衣食夠用，自成一國。但要找得意野食要出返鴨脷洲大街一帶或香港仔。” – Anonymous – 9.8.2016
交通便利
“有地鐵，10個9個去搭地鐵，唔駛塞車，15分鐘內必到金鐘，巴士都有選擇，但係估唔到幾時塞車。兩樣因為總站所以一定有位坐。”- Anonymous – 13.9.2017
“鴨脷洲本身係個獨立的島，出入依靠鴨脷洲大橋。一塞車就麻煩，而繁忙時間塞車在所難免。有唔少巴士出中環，金鐘，銅鑼灣，紅隧等。出中環大概要45分鐘，因香港仔隧道必塞。有趣的是，有得坐街渡來往香港仔，2個幾，抵玩。
開地鐵後出入就會方便好多。” – Anonymous – 9.8.2016
其他
“三尖八角誠哥樓。得3同csl訊號收得好D，其他台可以唔洗冧。冇露台，冇得養狗，新搬黎隔黎都幾快熟落，咁嘅價錢唔會係上車盤，樓換樓多，年輕人同一家大細都啱住。”- Anonymous – 13.9.2017
” 始終都係老牌藍籌屋苑，但有更好選擇。” – Anonymous – 9.8.2016
發展商
港島南區海怡路／怡南路／怡雅路
為和記黃埔地產發展有限公司旗下物業。發展商為Secan Limited，乃和黃與港燈聯營的財團